(حصرى) قصة انهيار صخور على بيوت بالدويقة بالصور

هذه قصة عايشتها بعد بدايتها بفترة قصيرة وحتى فترة قليلة

هى فى الحقيقة قصة مأساوية لعائلات قد تشردت وهناك من فقدت عائلها وهناك من فنيت بالكامل

تبدأ القصة عندما كنت فى زيارة لصديق لى بإحدى دور النشر القديمة نظرا لدعوته لى لأن اليوم يوم عطلتى

وفى تمام الساعة 2 ظهرا جاءنا الخبر الذى نشرته لكم ومن فورنا انطلقنا للموقع وشاهدنا كل طبقات الشعب تتكاتف مع رجال الدفاع المدنى والمطافى والشرطة والجيش والهلال الأحمر وحتى رجال وأطفال الكل أخذ يساعد لانتشال المصابين والموتى مناظر لا توصف وصلنا قبل وصول أى فرد من الصحافة رأينا مناظر لا توصف وسأعرض عليكم بعضها بالصور

1- يا جماعة فيه واحدة هنا الله أكبر الله أكبر


2- وسعوا يا جماعة إيه الزحمة دى عايزين ننقلها الله أكبر الله أكبر


3- الهمة شوية يا رجالة يمكن نلاقى أحياء


4- الكل شارك ولم يبخل بجهده ويظهر منظر الصخور وقد غطت على البيوت تماما


5- الهلال الأحمر والجيش والأهالى قاموا بمجهود ضخم (هات عنك شوية)


6- هنا كان فيه بيت واحد أعرفه ولازم الاقيه إنشاء الله


7- هات يا دفعة وريح شوية حا أحفر مكانك


8- تمام يا أفندم لقيت أنبوبة بوتاجاز خلاص يا عسكرى أحفر حواليها وحاسب تلمسها لحسن يكون فيها غاز وتفرقع


9- رجال الهلال للعساكر: تعالوا أحفروا هنا المكان ده شكله سقف بيت


10- يا فندم ده سقف بيت من الخشب يالا نشيله شويه بشويه لحسن يكون فيه أحياء


11- يا جماعة فيه واحد هنا بيقول لا إله إلا الله


12- يا عم سامعنا فيه حد هنا الظاهر أغمى عليه واحدة واحدة وإنشاء الله نلاقيه


ده ملخص للى حصل بالصور كنا بنتحرك بين الصخور وفوقها ومعرضين للوقوع والوقعة بموتة ولكن ربنا ستر ودخل مصورين من الصحف بعدنا بفترة واللى عمل حمش وأخذه فضوله للتوغل منهم أصيب ورقد واطمنا عليهم وشوية تلاقوا واحد جاى يجرى ويقول صاحبى وحبيبى دورت عليه فى المستشفيات ملاقيتهوش أكيد لسه تحت الأنقاض هوا وعياله

وواحد تانى جاى تعالوا معايا لقيت سقف بيت مش عارفين نعمل ايه وخايفين نتصرف غلط حد بيفهم ييجى معايا هوا يقول اعمل ايه وأنا أحفر بسرعة لو سمحتم

ولاقيت ست بتبكى وأنا خارج قلت لها فيه إيه يا حاجة قالت عيلتى يا ابنى كلها مش لاقياها هديناها وقلنالها أخرجى معانا وإنشاء الله تلاقيهم بخير الصخر ممكن ينهار فى أى وقت ووجودك هنا خطر عليكى

ثم جاء شباب متطوعين من كافة الجمعيات الأهلية يحملون المياة والعصير وأكل للكل جزى الله الجميع كل الخير


وصرح الدكتور / حاتم الجبلى - وزير الصحة أن عدد القتلى تجاوز ال20 قتيل و36 جريح حتى كتابة هذه السطور.


وقد صرح الأستاذ / أشرف فؤاد - عضو مجلس إدارة الهلال الأحمر ورئيس لجنة الإغاثة والكوارث بالهلال الأحمر فرع القاهرة وقائد الفرقة81 بالإنتاج الحربى - أن شباب الهلال اتجهوا للموقع فور علمهم بالإنهيار وساعدوا فى اسعاف المصابين وتقديم الدعم النفسى لأسر الضحايا وكذلك تقديم الخدمات من تسكين وملابس للناجين من الإنهيار.

وما زال العمل قائما فى الموقع ولا نملك إلا أن نقول إنا لله وإنا إليه راجعون

ورحم الله الجميع

ده يا شباب واجب وطنى

الدعم مش فى الحروب بس ولكن لازم يكون فيه ناس تشيل الكوارث وتساعد

على إزالتها وإنقاذ المصابين والدعم النفسى لهم ولأسرهم

كل واحد فينا معرض لأى حاجة من دى ولازم يكون مدرب عليها وعلى مساعدة الآخرين فى الأزمات

ومن هذا المنطلق سيتم إنشاء قسم للتطوع وتعليم أساليب الإسعافات الأولية والدفاع المدنى

وسيتم فيه الكتابة من خلال أساتذة متخصصين فى هذه المجالات ونحن لن نكتب فيه بعد إذنكم

سنتركه ليعلمونا هم الأساليب السليمة لعمل ذلك

فما رأيكم؟؟؟؟

شكرا على مجهودك الرائع

العفو ومنتظرين مجهودات جميع الزملاء

فالبركة فى الجماعة