ج1 انقسام مملكه اسرائيل الى قسمين وسبيهما

بعتذر عن الاخطاء فى الكتابه:.
بدايتا فى ايم المللك رحبعام وهو ابن المللك سليمان الحكيم تقريبا فى بين عامى 922_905 انقسمت المملكه المتحده الى قسمين:

مملكه اسرائيل: كانت عاصمتها السامره وكانت فى شمال فلسطين بقياده يربعام بن ناباط وهو أفرايمى اى من سبط افرايم وسبط افرايم ده كان سبط من اسباط اسرائيل
مملكه يهوذا: كان قائدها رحبعام ابن سليمان المللك وكانت فى جنوب فلسطين وكانت عاصمه مملكه يهوذا أورشليم

مملكه اسرائيل

تم سبى مملكه اسرائيل الى مملكه أشور حيث تم الاتى
استولى الاشوريين على شمال مملكه اسرائيل عام 724ق.م ومش فاكره بصراحه التاريح صح بلظبط ولا لا بس تقريبا كان فى الحقبه الزمنيه دى والسبى دا كان فى
عهد المللك (فقح بن رمليا)وكان قائد جيش الاشوريين وقتها (تغلب فلاسر)


تم بعد ذللك الاسيتيلاء على جنوب مملكه اسرائيل وبلتالى نتيجه الحرب الاولى
والاستيلاء على شمال المملكه الاسرائيليه والسبى الثانى والاستيلاء على جنوبها لم يبقى الا القليل جدااااا من شعب المملكه وكانو تحت قياده تغلب فلاسر بشرط دفع الجزيه له ثم بعد ذللك تخلى عنهم ولم يقبل الجزيه وتحالف مع فرعون مصر ولكن فرعون مصر رفض طلبه



اما بقى عن السامره اللى كانت فى وقتها عاصمه اسرائيل : هاجم سرجون الثانى مللك اشور وقتها وحاصر المدينه لمده 3 سنوات حتى سقطتت المدينه فى يده وبذلك طبعا اختلطت شعب اسرائيل ب شعب اشور ونيجه الخلط دا طبعا كلنا عارفين ان الشعوب هتاخد من بعضها زى ما احنا فى مصر مثلا اقتبسنا من الفرنسين والعكس وبلتالى شعب اسرئيل اخذو بعض العادات والتقاليد والمعبودات من شعب اشور واصبح السامريين شعب مختلط واطلق عليهم السامرين وهنعرف بعد كده ان الشعب السامرى المختلط دا اصبح منبوذ ومكروه من قبل الاسرائلين نفسم


وفى عام 605 ق.م هزم نبوخذ نصر مللك بابل فرعون مصر فى معركه كركميش فخضعت سوريا له واستولى برضه عليها وطبعا عمل اللى هو عايزه فيها زى اى غازى او جيش بيغزو بلد معينه لازم يسرقها وينهبها

مملكه يهوذا

فى عهد المللك يهو ياكين او احنا كمسيحين بنقول اسمه يهوياقيم حاضر نبوخد نصر مللك بابل اورشليم لدرجه ان نبوخد نصر نفسه هو اللى كمان بيقود الجيش بنفسه
وراحله يهوياكين وطلب منه الاستلام والعفو لكن نبوخد نصر قبض عليه وقبض على امه ونساؤه وخدمه وقبض كمان على كل الصناع اللى كانو موجودين وتقريبا عددهم كان 7000 صانع اعتقد بقى ان نبوخد نصر كان فى عداوه شخصيه بينه وبين يهوياكين علشان كده بهدله جدااااااا وذله

بعد كده فى عهد المملك صدقيا ظهر انبياء كذبه كتير جداااااااا ونتيجه ده انتشر التزعزع فجه تانى نبوخد نصر وقتل كلالانبياء الكذبه دول فى ميدان عام قدام كل الشعب فطبعا الشعب ثار نتيجه ذلك ان نبوخد نصر دخل المدينه فى وجود ملكها صدقيا وكان فى ساعتها زى معاهده سلام وبكده يكون نبوخد نصر كسرها فتامر الشعب (ادوم – مواب- عمون _صور_ صيدا) وكلهم اتقابلو فى اورشليم وعملو ثوره وطلبو ان المللك يهوياكين يرجع من السبى بتاعه لان احنا قولنا انه استسلم لنبوخذ نصر ومع ذللك سجنه

بعدكده هاجم مره تالته نبوخد نصر وحاصر اورشليم لمده سنتين وقطعوا عنهم الاكل والشرب ودا ادى ان جنود المللك يهربو بليل ومعاهم المللك صدقيا فعرف نبوخد نصر واسرهم هما وملكهم

بعد كده جه (نبوزرادان) دا كان قائد جيش نبوخد نصر وحرق المذبح اللى كان عامله شعب اسرائيل وحرق كل بيوت الناس الاغنيا وسرقو الدهب والفضه اللى كانو فيها واصبح عدد المأسورين من شعب اسرائيل 3022 ودول كانو من مملكه يهوذا وتقريبا 832 من اورشليم وسبى نبوزرادان 745 فاصبح المسبين من مملكه يهوذا 4600 شخص طبعا الرقم دا كان ايامهم كتير اوى

بعد كده مات نبوخد نصر وتولى مكانه (مردوخ ) ودا كان راجل مش كويس ظهرت فىالحقبه دى مملكتين جداد واحده اسمها مملكه مادى والتانيه اسمها مملكه فارس وحاربو المملكتين بعض لان كل واحد حب يوسع مملكته لكن من كتر الصراع اتحدو المملكتين سو بقياده الفارسى (كورش) دا طبعا مللم فارس وللك مادى اسمه (داريوس)

طبعا نبوخد نصرلما مات تولى بعده ابنه بلطشاصر وتمر على داريوس وكورش فى حين ان بلطشاصر دا متجوز بنت داريوس ولما انتصر عليهم عمل حاجه غريبه لما والده استولى على مملكه يهوذا احنا قلنا انه نهبها وحرق المذبح واخد كل اللى فيه فجاب بلطشاصر كأس المذبح دهوشرب فيه خمر قدام الشعب ودا طبعا اثار مشاعرهم لانها حاجه مقدسه بلنسبالهم
فجه احد الجنود المأثورين وكتب على الحيطه (منا منا ثقيل وفرسين )ودى كانت لغه مزيجه من العبريه والكلدانيه
وترجتما منا: يعنى احص الله ملكوته
ثقيل : وزنت بلموازين فوجدت ناقصه
فرسين : قسمت مملكتك واعطيت لمادى وفارس
وبلتالى تصبح الجمله كالتالى:. احص الله ملكوته ووزنت بلموازين فوجدت ناقصه وقسمت المملكه واعطيت لمادى وفوار طبعا الترجمه دى مش انا اللى مترجماها انا بصراحه دورت على معناها فى كتب وجبتهلكو

فى نفس اليوم ده اتقل بلطشاصر بواسطه احد خدمه واخد الخادم راسه وووداها لداريوس وكورش وهجمو على بابل وقتلو كل اهلها وبعد كده قسمو المملكه بينهم وبين بعض وبعد كده ما داريوس واخد كورش المملكه لوحده لكن كورش كان طماع شويه فغزا مدن تانى واخدنا علشان يكبر مملكته واشتولى على مملكه الشطيم لكن اقطعت راسه بواسطه زوجه مللك الشطيم

وخلفه قمبير ابنه وانتقم لابيه وقتل مرات مللك الشطيم اللى قتلت ابوه
وبذلك اصبح اليود المأثوريين من مملكه اسرائيل فى ( مملكه اشور ) والمأثورين من مملكه يهوذا فى (مملكه بابل) ولما حكم كورش اندمجو الاتنين مع بعض فى مملكه واحده تحت سيرطه بعدما قتل داريوس

وبعد كده اصدر كورش مرسوم بالسماح لليهود للعوده الى يهوذا وبناء هيكل ورجعلهم اوانيهم اللى اخدها نبوخدنصر كانت حوالى 5400 انيه من الذهب وعاد حوالى 43.697 فرد الى يهوذا مع شيشبصر وعندما مات كورش وتولى قمبيز استولى على مصر واصبحت فارسيه وبعد كده انتحر لسبب غير معروف
وبعد مموت قمبير اخد العرش داريوس الاول وفى منتصف حكمه بدءت المتعاعب وفى نهايته دخل حرب مع اليونانين وتم قتله وتولى بعد ذللك ابنه ( احشويرش ) واستولى على اثينا وحرقها ولكن انهزم بعد كده فى اسيا الصغرى وتزوج بعد كده المللك احشويرش (استير ) دى شخصيه عظيمه جداااااااااا عند اليهود بعد كده هبقى احكيلكو قصتها بلتفصيل لانها كانت عنصر فاصل فى حياه شعب اليهود وبمعنى اصح هى اللى انقذت الشعب دا من الهلاك

هنيجى لمرحله الرجوع التانى ودى اللى كان زعيمها واحد اسمه (عزرا الكاهن)

بعد اغتيال احشويرش المللك اللى هو كان زوج استير تولى العرش ارتحشستا الاول وفى اول حكمه مصر عملت ثوارات كبيره جدااااااا بمساعده اليونانين وتم اخماد هذه الثوره بقياده القائد (ميجابيزوس) والذى اصبح والى على مرزبانه وهى منطقه فى مملكه اليهود كانت تتطل على النهر وطبعا دى تعبتبرمكافئه ليه من المللك
فى جزء نسيته ان المللك احشويرش قبل ما يموت مباشرتا ادى لعزرا الكاهن وعدد من الناس وعد انه هيرجعهم لمملكه يهوذا لانهم كانو مسبين زى ما ذكرت قبل كده
واداهم حريات كتير جدااا منها انهم يعبدو الههم فى حريه وانه يحتكمو بشريعتهم واعطاهم الحق فى التصرف فى شئونهم وطبعا دا كله كان اكرام للملكه استير لانها يهوديه وهو كان بيحبها جدااااا

اما بقى عن مرحله الرجوع الثالث

كان فى واحد اسمه نحميا ودا كان ساقيا للملك ارتحشستا الاول واخدنحميا وعد من المللك انه يعيد بناء سور اورشليم

وفعلا تمكن نحميا من اعاده بنائه بتعب عظيم وتمكن فى بناء سور اورشليم العظيم فى 52 يوم فقط

وخليكو فاكرين ان سور اورشليم دا كان نقطهه فيصل رهيبه فى حياه شعب اسرائيل
واتحد عزرا الكاهن ونحميا وعملو حركه اصلاح سياسى واقتصادى ودينى للشعب اليهودى من جديد بعد تكرار السبى وتشتتهم

فى حاجه نحميا دا الاول كان مسبى لمده 12 سنه وبعد كده رجع ليخدم المللك ارتحشتنا الاول وبعد كده رجع نحميا تانى الى كوالى ليخدمه

طبعا اثناء اعاده بناء نحميا لسور اورشليم تعرض لمشاكل كتير

اول عدو كان واحد اسمه سنبلط الحورونى وحدث بينهم احتكاك مباشر

وايضا حدث سراع بين نحميا وطوبيا العمونى ودا كان واحد من سلسسله الحكام اللى جم من شرق الاردن

وثالث واحد احتك بنحميا واحد اسمه جثم العمونى ودا كان بيتبع مللك قيدار ودى كانت اهم منطقه فى صحراء سيناء وكان جثم دا مسؤل عن نقل السلع بلطريق البرى زى الذهب واللبان والمر واللالىوالتوابل وكان بينقلها من بلاد العرب الى المدن فى الشمال والغرب
هنا بقى هنتكلم عن حاله مملكه يهوذا بعدالعوده من السبى حتى مجيئ الاسكندرالاكبر:

1- بعد نهايه حكم داريوس الثانى انقسمت مرزبانه (وهى بابل وما وراء النهر)الى 127 او 128 بصراحه مش فاكره الرقم بلظبط وكانت يهوذا واحده منهم وفى اقاويل بتقول ان يهوذا كانت جزء من السامره من بدايتها الى عهد نحميا

2-ومع ان تم معاهده صلح بين اليوناين وفارس الا انه كان صورى وحاول الفرس غزو مصر عده مرات الى ان تم عزوها فى عصد المللك ارتحشتا الثالث واستمر الغزو دا مده طويله الى ان تمكن الاسكندر الاكبر من الاستيلاء على مصر

3- بعد اغتيال ارتحشتا الثالث وحكم ارسيس لمده قصيره شهد داريوس الثالث انهيار الامبراطوريه الفارسيه عندما تولى الاسكندر المقدونى مدينه بير سيبوليس وحرق القصر الفاخر الذى شيده احشويرش

4- تقريبا عام 330 انتهت امبراطوريه فارس وقتل داريوس الثالث

5- بوصول الاسكندر تغير كل شيئ حتى اللغه وانتشرت الحضاره اليونانيه والرومانيه
دلوقتى هقولكو معلومات عن الحقبه دى

اولا المجمع اليهودى
-----------------------
ودا طبعا مركز الديانه اليهوديه
وكان مدرسه ومعبد وفيه التراث كله



ثانيا وصف البناء
--------------------
مفهوش تراز معمارى مميز بس كان عباره عن منبر وتابوت خشبى لحفظ التوراه
ومفهوش زخارف ولا صور لانهم كانو بيعتبرها عباده اصنام
ولازم المجمع دا يكون على ارض مرتفعه


ثالثا التنظيم
---------------
لكل مجمع رئيس وعده شيوخ
وعشره رجال اثرياء
وقارئ ومترجم
وكان المجمع عباره عن هيئه قضائيه دينيه لها سلطه توقيع العقاب


رابعا العباده
------------------
فى عنصر تعبدى
وتعليمى وطقسى


خامسا الكتبه
---------------------
مهمتها تفسر اسفار التوراهوحفظها

لكن بعد خراب الهيكل سنه 70م اصبح الكتبه هم المسؤلون عن تعليم الشعب

ياريت تشاركونى بارأكم انا هنزل التاريخ اليهودى فى حوالى 4 او 5 اجزاء ياريت تقروه كويس وتقولى رايكو

هبة موضوع جميل

ولكن نرجوا ذكر المصادر

لكى نحافظ على مصداقية المنتدى

وما يتم نشره من موضوعات فيه

وتقبلى تحياتى

موضوعك مهم جداً يا هبه بس كنت عاوز اسماء الكتب لانى بحب ادرس التاريخ بطريقه صحيحه
وبالنسبه للمكتوب فى موضوعك انا اعرف منه القليل جداً وكل معلوماتى عن موضوعك من خلال قراتى للعهد القديم فى الكتاب المقدس (الطوره)
وكنت اتمنى ان اجد كتب تزودنى بالمعلومات عن التاريخ الاسرائيلى

شكراً لكى مره اخره على المعلومات المهمه دى

sherien_gameil كتب:ميرسي يا هبه علي المعلومات الاكيده ربنا يباركك