مترو الانفاق يصرخ ........... اغيثوني

مترو الانفاق يصرخ .....اغيثوني مترو الانفاق من اعظم المشاريع التي قامت بهامصر في الاونة الاخيرة وتعد مصر اول دولة في افريقياوالشرق الاوسط قامت بتنفيذ المشروع علي خريطةالطرق باقامة خطين الاول من المرج الي حلوان والتاني من شبرا الخيمة الي المنيب بطول62كم وتكلفة12 مليار جنيه وينقل يوميا 30 مليون بمعدل800 مليون مواطن سنويا..كل ده حلو وجميل ايه رايكم في الدنيا المشرقة دي جميلة مش كده ومع كل ذلك مترو الانفاق بخطيه الاول والتاني يصرخ بالعالي اغيثوني مرة اغيثوني من شبابيك التذاكراللي قاعد فيها واحد والباقي بيشرب شاي اوبيتمشي برة والزحمة شايفينها بعيونهم ويقولك سيبهم ما هما اتعودوا عالطوابير مش حيتعبوا غير مبالي ومرة اغيثوني من الماكينات الخربانة اللي بتزمر علي طول ولا حياة لمن تنادي ومرة اغيثوني من المواعيد لتقاطر المركبات الصبح مثلا من 3الي 5 دقايق وشوية 7دقايق وبالليل تصل الي 15 دقيقة مع ان مافيش في طريقه اشارات مرور ولا حاجة بس خلي الناس تقف ايه يعني دول بتوعنا ومرة اغيثوني من رصيف العشاق وايه في حماية الامن كمان وكمان مولعين لهم اغاني حنان الام بقا يا سلاااااااااااااااااام ومرة اغيثوني من الركاب اللي مكتوب عليه نزول يصعدوا منه وبالعكس ذكاء فطري وكله يخبط في كله لخبطيطة يعني ويا عم كبر الدي الدماغ يعني ومرة اغيثوني من الشباب التافهة والتهريج البايخ داخل العربات ومسك الابواب والالفاظ الخارجةالجارحة لاي اذن تسمعها وهيهااااااااااااات ومرة اغيثوني من الكوكتيلات ده مشغل ادعية وده مشغل ترانيم وده مشغل قران وده اغاني شعبية وده اغاني رومانسيةوجايزاللي مشغلينه مش منتبهين ليه طب مشغلينه ليه طب مايسمع علي قده وهيهااااااااااااات ومرة اغيثوني من الشباب والبنات اللي قاعدة في ارضية العربات قال ايه روشنة ياناس روشتونا معاكم ومرةاغيثوني من الحر والولعة داخل العربات والمراوح والتكييفات خربانة في الصيف وبتشتغل في الشتا انا مش لاقي لها تفسير وهيهاااااااااااااااااااات وصراخه مازال مستمر يوميا من افعال الناس ولا مبالاة من الناس او المسئولين وهما يعملوا ايه ولا ايه ربنا يقويهم وقال ايه بداوا المرحلة الثالثة طب نصلح الاولي والتانية ما بني علي باطل فهو باطل ولا ايييييييييييييه حرااااااااام يا جماعة لازم نداوي صراخه ونعدل من انفسنا ونحاول لمرة واحدة نواجه اخطاؤنا ونتغلب عليها مصر جميلة بناسها الطيبين المخلصين ولا يغير الله ما بقوم حتي يغيروا ما بانفسهم..............

السلام عليكم
والله ان عندك كل الحق بس هنصرخ فى وجة مين والاول بس نقدر نصرخ ولا هنمشى وراء كلام
كل شئ تمام ياريس
الكلمة اللى رجعت مصر وراء ولا على اية يارتها ترجع لوراء على الاقل وراء اللى هو زمان يعنى كان كلة خير
وبركة بس مش هنقول غير ربنا المستعان
هنصرخ فى وجة الغلاة ولا فى وجة الخدمة السيئة فى المواصلات بصفة عامة ولا ولا حاجات كتير اوى لازم نبداء بأنفسنا اولا
وجزاك اللة خيرة

حتي يا اخت ماجدة لو مقدرناش نصرخ في وش حد اهو بنحاول نصرخ من جوانا لعل صرخاتنا توصل لكل ضمير نابض يقف معانا ويجعلنا علي الاقل نحترم انفسنا لاننا قولنا لا ولم نكتفي بدفن رؤوسنا في الرمال اوبهز رؤوسنا والله المستعان