الحلم الجميل ام كابوس مزعج

الحلم الجميل يبدأ بالخطوبة بين عصفورين الخطيب يحاول ان ياتي بقطعة من السماء كي يرضي خطيبته
والخطيبة تحاول ان تعيشه اجمل ايام الرومانسية والحب والاحلام
ولو خرج معاها يبقي محافظ عليها من الهواء تعالي علي يميني تعالي علي شمالي عشان العربيات يا حبيبتي مع انه يمشي هو وهيا عالرصيف اصلا
ولو راكبين العربية كل شوية اقفلك الزجاج يا حبيبتي عشان ماتبرديش ارفعلك الازاز شوية
ولو وقفت امام فاترينة حريمي تلاقيه يبدأ الثرثرة عاجباكي حبيبتي دي حلوة اجيبهالك وهوب يطلع الفلوس ويدفع
وهيا بقا تقعد تتزوق من بعد الضهر لحد ماييجي وطول النهار ميسدات ومكالمات حب وغرام ورسائل ودباديب وخلافه
وتقعد تقوله عارف امبارح طول الليل انا ومامي في سيرتك وقاعدة تقولي اوعي تخلي خطيبك يجيب حاجة في عيد الام الحاجة الدهب اللي حيجيبها يوفرها شوف مامي بتخاف عليك اد ايه
وبابي امبارح بيسال عليك ان بقالك يومين مجتش وبيقول هوا فين
اوعي تفتكر يا حبيبي بيسال عليك عشان الفاكهة ولا الحلويات اللي بتجيبها وانتا جاي لكن هو بيحبك قوي
وعايزك معانا كل يوم وتفضل الايام المعسولة شغالة وحلوة وتعدي الايام وتفوت ورغم كل المحبة دي
ييجي الاتفاق عالعفش وخلافه وتبدا المشكلات مين يجيب ايه ومين يجيب ايه وبعدين القايمة وتوابعها
لازم تكتب قايمة تليق بمقامها سوسو بنت عمتها كاتبة قايمة ب50 الف وميمي بنت خالتها كاتبة قايمة ب40 الف
وكأن القايمة دي وثيقة حتحافظ عليها وهيا موش اقل من اي حد في العيلة
ويتدخل بعض الوسطاء الناصحون وابو العريف وامو العريف ياعم امضي دي حتة ورقة والراجل اداك اعز حاجة بنته
تبص انتا بقا علي شوية عفش يا عم امضي امضي ربنا حيكرمك ان شاء الله
وبعد مايمضي يبصم ياعيني علي القسيمة يعني بيمضي ويبصم بالعشرة علي خروجه من حياة العزوبية
وناتي بعد الزواج وبعد فترة ليست بعيدة يخرجو سوا هو ماشي قدام بمترين وهيا وراه ولا يهمه ماشية عالرصيف ولا في نص الشارع
ولو راكبين العربية تحاول تفكره تقوله الشباك عشان الهوا يقولها ماترفعيه ولو موش عاجبك كسريه اقولك افتحي الباب وانزلي برة طراوة
ولو واقفين امام فاترينة حريمي تقوله بص دي يقولها فين ويبدأ يتوه في الكلام هي دي فاترينة اطفال ولا رجالي موش شايف
غير انها هي الاخري تتفرغ لتوفير النكد اما الشك اما اختلاق المشاكل
طبعا موش كل الرجال كده ولا كل النساء ولكن يوجد جانب كبير مما اقول صائب
والا كنا لا نري مجموعة القواضي الهائلة المليئة بساحات المحاكم ولا بالهجر داخل البيوت
وكلهم للاسف ردهم واحد اهو راضيين بالعيشة عشان خاطر الولاد حنعمل ايه بس اهي عيشة والسلام
وانا اسال ماذا حدث هل كان الحب مقنع بينهم ام كان مجرد روتين مثل باقي الروتينيات في حياتنا
هل كا مشهد تمثيلي وحان الان موعد نزول الستار وكتابة النهاية ولا هي ضغوط حياة رضت ذلك
ولا هي مصالح شخصية وبتنقضي بعد ما كل انسان يتملك الاخر ولا بيحدث ملل
ولا فتور عاطفي واغتيال مشاعر واحاسيس وعاطفة واخلاص ووفاء
كيف يكون حبيب الامس هو عدو اليوم وكيف تكون ملهمة الامس هيا قاتلة الاحاسيس اليوم
كيف تتحول مشاعرنا من النقيض للنقيض في لحظات كيف يتوه الامان بين روحين اندمجوا في روح واحدة
لا اعلم هل هو حلم جميل ام كابوس مزعج يدق الاجراس لا ادري ولا اعلم

كابوس مزعج طبعا

عمورة
اولا انت قلت مش كلهم كده
ثانيا انا اقول ان من يتعاقب على هذا ليس هو ولا هى
بل التقاليد نعم والظروف وضغوط الدنيا باكملها
لان هى تريد اجمل الحياة وهو يريد ذالك ايضا
ولكن ليس اختيار الانسان دائم يكون صائب وليس كل
اتنين مع بعض مثل بعض اى فى الاراء والتفاهم
ومن هنا التقاليد قد يكون لها عامل كبير لان لا ينفع
كل منهم يطرق الاخر ومن هنا العيشه من اجل التقاليد وليس الحب
اما الباقى بلا يوجد من يحب ويخاف كل من على الاخر و الا ربنا
يستر على جيلنا الذى هو يكون بدون حب
الحب موجود لكن لاسف بيبان فى اوقات ضئيله بس موجود
اكيد

اقول انا بيحصل كده ليه لانى شوفتها مع اصحابى البنات كتيير, كل واحد عايز يطلع احسن ما عنده بمعنى اصح الكل بيمثل بالى مش فى شخصيته الحقيقيه وبطريقه مبالغه رغم انهم لو اتعملوا طبيعى كل واحد بشخصيته كان هيبقى احسن بكتيير, وفجأه بعد شويه كلهم يرجعوا لطبيعتهم فيحصل المصادمه فى شخصيه كل واحد الحقيقيه وتتحول الحياه لكابوس , الى صريح من الاول مع نفسه وبيتعامل طبيعى اكييد بيرتاح بعد كده كتتير ومحدش بيقوله انت او انتى اتغيرت وفين ايام زمان والله يرحم وغيره, الصراحه مفيش احسن منها

انتي شايفة الحل في الصراحة ولكن الصراحة في بعض الاحيان لا تعجب
ومع هذا انا اظن ان لو بينهم حب بجد مبني علي اساس وعلي توافق فكري وسني واجتماعي
حيبقي فيه اكيد توافق وتواصل وبناء اسرة صالحة

ههههههههههههههههههههههههههههههههه
يعنى محدش معايا بقية لوحدى

بس ما ذلت اقول التقاليد والظروف هى عامل اساسى

لا ظروف ولا جوابات
يا احمد المظاهر كتير قوي وبلاش نحكي
موش الاكل بس اللي بيتغير حاله
ولا انتا علي طول همك علي بطنك
الجواز موش اكل وخلاص يا معلم
الجواز تاديب وتهذيب واصلااااااااااااااااااااااااااااااااااااااااااااح

ممكن اتنين شخصياتهم مختلفه بس متفاهمين وكل واحد راضى بكده وعارف الاختلاف ده وبيتعامل على اساسه ويحترمه وتبقى الدنيا حلوه وجميله وبتعدى , لكن بقى فيه ناس وديه انا شوفتها فعلا يقولوا انا هاغيره او هاغيرها واغير الشخصيه زى مانا عايز وينتظر التغير ده بس للاسف ان فيه حاجات فى الشخصيه ثابته ومش ممكن تتغير ويبقى كل واحد مصمم يغير التانى على حسب ما بيحب وعلى حسب هواه ولا يحدث التغيير فيحصل الصدام بينهم وتحصل المشاكل, لو كل واحد قبل الشخص زى ما هو بعيوبه ومحاسنه كانوا ارتاحوا

هههههههههههههههههههه

انتم مشاكل متحركة

سكر فيه ظروف ساعات بتفرض على الانسان حاجات ولكن الحب دائما ما يتغلب على الظروف

عمر ايه اللى دخل بطنى فى الموضوع ما تسيبها فى حالها لازم يعنى تجر شكلها عجبك كده ادينى جعت يا سي دى وبعدين ده مثال يا مستر وهناك العديد من الأمثلة ودور تلاقى

ايمان فيه حاجات ممكن تتغير الا الطبع ده مع الانسان من ولادته لشبابة ودايما اللى يحاول من الطرفين انه يغيره بيكون خسران وفيه حاجات تانية زى الدين وشفت شباب كتير بيفكر انه يغير الاخر لما يتجوز ودايما بيكون خسران برضه لان الله يهدى من يشاء

وعلشان الطرفين يوافقو ببعض لازم ينظروا لاحاديث الزواج ففى الزوج إن جاءكم من ترضون دينة وخلقة فزوجوه ... الحديث، لا ماله ومستقبله كما ينظر له الان

وفى الزوجة فاظفر بذات الدين تربت يداك .. الحديث، لا من هى حسنة المنظر سيئة الخلق كما يحدث الان

فإذا راعينا ذلك وصلنا لطول العشرة كما كان سابقا فالدين منجى

موش قصدي بطنك بطنك وبعدين انا عايز اوصلك انه موش اكل وخلاص

لما هو مش اكل

طيب يبقى ايه احلى من كده

بقولك كفاية كده جوعتنى

لو جعااااااااااااااااااان انتا عارف الدوا كويس
وانا موش حاقولك تعمل ايه

ماشى
هات لنا كام كيلو معاك وانت جاى

انت عيز بطنك تغضب مالوا الكشرى
وعلى فكرة هى مشيه مشيه

هو قصده يا بيرو
كام علبة معاك موش كام كيلو
بس غلطة كلام
اكتر الورد والصلصة

يا سى دى

اى حاجة المهم

حتى علب سلمون

المهم فين؟

يوم الجمعة حتاكل سلمون
من عيني يا حمادة
بس هات معاك صابونة عشان ريحة السلمون
وهات عيش ماشي