اطلالات الجزء الثالث والأخير

رابط الحلقة الأولى:
https://e3lam.ahlamontada.com/montada-f30/topic-t131.htm

رابط الحلقة الثانية:
https://e3lam.ahlamontada.com/montada-f30/topic-t185.htm#745

الحلقة التالتة:
جاء الصباح ويا ريته ما جه – طبعا أفكار الحاج مغاورى الله يكون فى عونه – ذهب الحاج مغاورى على طول للمعلم دعبس اللول علشان يشترى منه الأرض ودخل عليه وقال له:
صباح الخير يا معلم .

فرد عليه بتناكه وهوا بيشد من الجوزة وحاطط رجل على رجل :
خير يا مغاورى طلباتك ؟

أدرك الحاج مغاورى انه وقع ولا حدش سمى عليه وقال :
خير إنشاء الله يا حاج أنا بس عايزك كده فى موضوع صغير .

بص المعلم للحاج مغاورى باستخفاف وقاله:
اوعى تقوللى موضوع الأرض بتاعتك أنا اتحايلت عليك من شهرين انى اشتريها وانت طردتنى

اصفر وش الحاج مغاورى وزاغت عيونه وقال:
المسامح كريم يا حاج وأنا دلوقتى محتاج فلوس و....

قاطعه المعلم وضَيَّر وشه وقال :
آسف يا مغاورى وقتك خلص.

رد الحاج بمسكنه:
أرجوك يا معلم أبوس ايدك.

بصله المعلم وقال له:
خلاص يا مغاورى اعمل إيه فى قلبى الطيب عايز كام فى القيراطين بتوعك البايظين دول .

ابتسم الحاج مغاورى وقال :
انت كنت قلتلى يا معلم 10000 أهيف .

قاطعه المعلم:
انسى يا مغاورى ده كان زمان هما 5000 أهيف بس .

فرد الحاج بسرعة:
بس يا معلم .

قاطعه المعلم:
مفيش بس هوا ده آخر كلام قلت إيه يا مغاورى.

رد الحاج وقد غلبه المعلم:
ما شى يا معلم اللى تشوفه هات الفلوس .

انصرف الحاج مغاورى وذهب للمدينة لشراء المبلول – كما يسميه – لوحيده عباس ولما دخل على الواد الروش اللى طبعا لقفها وهى طايره ذى عوايده واد مِخَلص واستقبل الحاج مغاورى على الحامى وقاله :
أهلا أهلا بالحاج طلباتك عندى، طبعا عايز حاجه بوليفونيك وبكاميرا مش كده.

رد الحاج مغاورى وقد غلبه الكلام:
ايوه بس تاخد ده وتبديلهولى بالجديد.

فرد الواد الروش :
طلباتك أوامر يا حاج أنا حا اخد الموبيل منك بخمسين أهيف وأديلك عدة ممتازة بالخط بـ 4950 أهيف بس .

قاطعه الحاج بسرعة:
بس انت بعتهولى بـ 100 أهيف .

قاطعة الواد الروش :
بس ده كان امبارح الأسعار رخصت يا حاج .

فرد الحاج :
طيب يا ابنى سيب لى حتى فلوس ارجع بيهم.

فرد الواد الروش بامتعاض :
يكفيك كام يا حاج؟

فقال الحاج مغلوبا على أمره :
مش عايز غير فلوس المواصلات بس حاجة كده أرجع بيهم.

فرد عليه :
ماشى يا حاج اتفضل ادى 50 أهيف يكفيك كده؟

فرد الحاج بسرعة:
كفاية يا ابنى كفاية.

رجع الحاج مغاورى وهو يجر قدميه لابنه عباس وقال له:
اتفضل يا سيدى ادى المبلول اهه وافرح انت وأمك.

رقص عباس من الفرح وقال:
أخيرا يا واد يا تفاهه حا انزل صورة بنسى مكرم وحا أغيظك ذى ما انت بتغيظنى.

التفت أبوه إليه هو ووالدته بحده وانفجر غيظا وقال:
بنسى مكرم . بتلففنى كل ده وتبيعنى الأرض علشان مين بنسى مكرم ؟

وفى اليوم التالى نشرت الصحف هذا الخبر:
فلاح بسيط يقتل ابنه الوحيد وأمه وأصيب بالجنون وحتى الآن لم يستدل على ظروف وملابسات الحادث وما زالت الشرطة تحقق فى الموضوع لمعرفة أسباب هذه الواقعة وآخر ما قاله المتهم قبل دخوله للمستشفى :
برافو أهو أسلوب الضرب بالقوة والحسم هو أحسن أسلوب ...........................................

انتهى،،

أرجوا أن تكون قد أعجبتكم...

والله بجد انت كل مرة تشوقنا الى المرة الى بعدها
اسلوب جميل
وقصه كتير حلوه
تستاهل 10/10
برافو عليك
انا شخصيا معجبه بيها جدا جدا جدا
وبالتوفيق والى الامام دائما

أشكرك كثيرا

وانتظروا القصة القادمة

بالتوفيق

مشاء اللة تبارك الله
دايم فى تقدم يا احمد

شكرا ليكم

يا زملائى كتير

جميل جدا الموضوع يا ابو حميد وبانتظار المزيد